؛¤ّ,¸¸,ّ¤؛°`°؛¤ منتديات فارس الأمارات ¤؛°`°؛¤ّ,¸¸,ّ¤؛
|
| | شوفوا الحريم لما تجيهم دعوة لعرس | |
| | كاتب الموضوع | رسالة |
---|
الدلع كله مراقب عام
عدد الرسائل : 122 العمر : 31 العمل/الترفيه : الدلع المزاج : متضااايقه الدولة : عالم الدلع تاريخ التسجيل : 23/01/2009
| موضوع: شوفوا الحريم لما تجيهم دعوة لعرس الأربعاء فبراير 11, 2009 4:54 am | |
| لما تجيك دعوة الى حضور حفل زفاف لأحد الأشخاص
فإن النساء في المنزل يعلنون حالة الطوارئ في اليوم الموعود
فتلقاهم صافين طابور عند باب الحمام .. من أجل أخذ دش بارد
<<< لانهم مؤمنات بالقاعدة الفيزيائية
التي تقول : ان الاجسام تتقلص بفعل البرودة
*******************
ثم يهبون الى غرفة العمليات
فتحصلهم مايخلون مرايا في حالها ..
** فتلقى أميره عند مراية التسريحة تتمكيج
** وشيخه عند مراية الدولاب تركب عدساتها
** و زينب عند مراية المدخل حق البيت محتارة شو تسوي شعرها
** نوره محتارة أي فستان تلبس
وكلما اختاروا لها فستان .. قالت : لاء لاء .. شافوه عليّ
** ورغد تترجى اخوها : تكفى ود فستاني للمغسلة
وقول لهم يخلونه مستعجل
** وساره متوهقة مالقت الحلق اللي يناسب لون فستانها
** و جوري تقول لاخوها : تكفى مر على جارتنا
وخذ من عندها الاكسسوار التفاحي
** و مريم.. انفرط سحاب فستانها .. وتبي الخياط يصلحه
<<< والله من السمنة الزائدة
*****************
وصجة .. ولجة .. وحوسة ...
وكلهم في سباق مع الزمن ..
( طبعا ياعيني عالرجال .. ثوب وشماغ .. وانتهت السالفة )
************************************
بعد ذلك .. يركبون السيارة بعد ما بح صوت ابوهم
وهو يناديهم ..
** والمصيبة اذا اخذوا مسافة بالسيارة وجتك نوره
تشهق شهقة قوية .. ويقولون : اشفيييييك
وترد عليهم : نسيت شنطتي تكفى يبه رجعنا للبيت<<< ويعصب ويقول وجع وراي مباراه ((الهلال-النصر))
********************
وبعد عناء طويل يصلون الى القصر ويدخلون
******************
ومن يوم تبدأ الطقاقة بقرع الطبول
تلقى الوحدة تهزّ .. وتهتز وهي لسّى باقي على الكرسي
**********************
ثم يتوافدون الى المسرح .. وشف الرقص كيف
** اللي تحط رجلها من شرق المسرح الى غربه
ولا احد يدري ايش بلاها
**********
** واللي تهز وهي واقفة مكانها بركاااادة .. وعلى بالها أنوثة ..
******************
وتعال شفهم اذا غنت الطقاقة .. ( يالتاكسي )
وقالت : وخذ يمين و بعد يمين ..
تلقا النساء فعلا ماخذين اللفة يمين في يمين
<<< طبعا من غشامتهم .. يتصاقعون في بعض
************
والوحدة فيهم بتتشقق من الفرحه اذا جت الطقاقة بجنبها
وقالت : يا احمر يا احمر .. عاشوا .. على قلبي
<< طبعا الافندية فستانها احمر ..
*****************
** وتلقا ثنتين هناك يرقصون نفس رقص العراقيات في عرب شمّر
وطبعا العجايز منصدمات .. ومافيه الا قوة دعاوي على هالبنات
**************
** واذا جت اغنية مصرية ..
تلقى الاغنية والايقاع في وادي .. والرقص في واد آخر
الا من رحم الله ..
<< واللي تعرف ترقص مصري .. تلقى البنات يترجونهاا تقوم
وهي ترفض .. طبعا من حقها .. تخاف يصكونها بعين على كيفك
واذا جت الزفه قالوا البنات هااااه حلو المعرس (ايـه)يهبل يؤيؤيؤ ما شفته زين
***********
والوناسة اذا قالت الطقاقة : ( رقصة خاصة لاهل العروس )
تلقاهم بتشققون اذا قالت : ( كل آل " فلان " خيّالة )
<<< وهم في الحقيقة .. لم يركبوا حصانا قط ..
بس يالله لزوم المدح
واذا جاء وقت الطلعه للبيت <<يؤيؤيؤيؤ يمه ما نبي نروح البيت .. <<عجبهم الجو
وتوافق الأم المغلوبه على أمرها...... ملطوووووووووووش لعيونكم............. | |
| | | عاشق الدلع المدير العام
عدد الرسائل : 259 العمر : 34 العمل/الترفيه : مدير عام المزاج : انا ضايج وبالي ضايج صيجن كاايد الدولة : فقلب كل من احبه تاريخ التسجيل : 23/09/2008
| موضوع: رد: شوفوا الحريم لما تجيهم دعوة لعرس الخميس فبراير 12, 2009 2:03 pm | |
| هههههه ههههههههههه تسلم يمنانج دلع ع الموضوع الغاااوي تقبلي مروري | |
| | | الدلع كله مراقب عام
عدد الرسائل : 122 العمر : 31 العمل/الترفيه : الدلع المزاج : متضااايقه الدولة : عالم الدلع تاريخ التسجيل : 23/01/2009
| موضوع: رد: شوفوا الحريم لما تجيهم دعوة لعرس السبت فبراير 14, 2009 4:39 am | |
| اشكرك الغالي عالمرور ..نورت الصفحه | |
| | | ???? زائر
| موضوع: رد: شوفوا الحريم لما تجيهم دعوة لعرس الأربعاء فبراير 18, 2009 9:33 am | |
| سلام عليكم مرحبا دلع ......شخبارج علومج عساج طيبة المهم ثانككس ع الموضوع النايس وتقبلي مروري |
| | | الدلع كله مراقب عام
عدد الرسائل : 122 العمر : 31 العمل/الترفيه : الدلع المزاج : متضااايقه الدولة : عالم الدلع تاريخ التسجيل : 23/01/2009
| موضوع: رد: شوفوا الحريم لما تجيهم دعوة لعرس الجمعة فبراير 20, 2009 1:16 am | |
| | |
| | | لهفة المحبين مشرفة
عدد الرسائل : 189 العمر : 34 العمل/الترفيه : دلوعة المزاج : دلوعة وايييييد ومزاجي رايق الدولة : دار الحي تاريخ التسجيل : 13/10/2008
| موضوع: رد: شوفوا الحريم لما تجيهم دعوة لعرس الثلاثاء مارس 31, 2009 2:44 pm | |
| ههههههههههههه وايد حلو بس حرام عليج فضحتينا ومشكورة ع الموضوع | |
| | | الدلع كله مراقب عام
عدد الرسائل : 122 العمر : 31 العمل/الترفيه : الدلع المزاج : متضااايقه الدولة : عالم الدلع تاريخ التسجيل : 23/01/2009
| موضوع: رد: شوفوا الحريم لما تجيهم دعوة لعرس الخميس أبريل 02, 2009 7:22 am | |
| ههههه... ما فيها فضايح عاادي,,, اشكرج عالمرور... نورتي | |
| | | | شوفوا الحريم لما تجيهم دعوة لعرس | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |
|