شعر : حامد زيد .
بسامح و اتركك تحت الظلام لحالك لحالك ..
دخيلك وفّر دموعك ترى هدر الدموع اذلال ..
وترى ما فيه احد يصبر مثل صبري بغربالك ..
انا عيب علي انقظ كلامي والرجال افعال ..
واذا قلت اقطع احباالك تراني بقطع احبالك ..
مسوي في حياتي شي ما يذكر ولا ينقال ..
حشى حتى العدو وهو العدو ما يعمل اعمالك ..
تحملت التعب لاجلك و انا حملي يهد جبال ..
رحلت من العذاب وما وقفت إلا على جالك ..
علامك ؟؟ كل ما جيك متواضع جيتني تختال ..
معالك ليا متى بصبر و صبري معك يحلالك ؟
مثل ما اقبلت لعيونك ..لزوم ترد لي بقبال ..
ومثل ما قد حشمتك ..حس و احشم قلبي اشوالك ..
انا محدن بجابرني اساير معك المنوال ..
ترى ما ني ولاني بصغر اعيالك ..
انا جيت اعشقك نبض ومشاعر ..ما اعشقك تمثال ..
انا جيت اسكنك واحيا بك وابقى فيك و ابقى لك ..
انا جيت بضما عاشق تعب يطرد سراب اللال ..
انا جيت استفز رضاك من فرقاك والجأ لك ..
انا ما همت بك عاقل ..انا كنت اعشقك بخبال ..
انا ما همت بك حي... كنت اعشقك هالك ..
تخيل .. من كثر ما اخاف تلقى للزعل مدخال ..
اخاف اخطي على طيفك وادوس برجلي اظلالك ..
ابهديك الوصال فراق ...
نصيحة واحتفظ فيها قصر معك الزمن او طال ..
ابي تسمع كلامي زين و تحطه على بالك ..
اذا حبك هبال اطفال ؟؟ فلك مني هبال اطفال ..
لا .. وباشر بعد بهبال حب ما هو بهبالك ..
واذا قصدك تهين اسمي عشان تشمت العذال ..
حشى لا انت و غيرك ولا عشره من اشكالك ..
موضوع: حامد زيد ## 
الثلاثاء فبراير 03, 2009 6:10 am
